શ્રી ગણેશ વંદના

ગૌરી તણા તનય હે ! વર ઇષ્ટ દાતા,

વિઘ્નો બધા દૂર કરી નિજ અંક થાપો,

આવ્યો અહિં શરણમાં ચરણે તમારા,

કીધા નથી મન કરી તવ નામ જાપો,

સવારી કરી મુશકની ઉપરે, ફરતા,

બાળો ભયંકર બધાં શત જન્મ પાપો,

લંબોદરા, ગણપતિ, ગજકર્ણ દાદા !

મેલા મનોરથ બધા મમ સદા કાપો,

હે નાથ ! નિર્મલ કરો મમ ચિત્ત બુદ્ધિ;

સંતપ્ત છું, તન અને મન કષ્ટ કાપો;

હું 'ભૂ' પરે ભટકતું છું અલ્પ પ્રાણી,

હે નાથ ! હાથ મુજને ઝટ આપ આપો,

દૂર્વા ન અર્પણ કરી, શિર મેં તમારા,

દોષો થતાં મધુ થકી સહુની ક્ષમા દો,

વેગે સહાય કરવા, નિજ ભક્ત કેરી,

હે તાત ! આ જગતમાં સુખશાંતિ સ્થાપો,